19.01.2015 13:06 xeber –

Sabah Bakıda və Abşeron yarımadasında hava yağmursuz olacaq..

Ekologiya və Təbii Sərvətlər Nazirliyi Milli Hidrometeorologiya Departamentindən ANS PRESS-ə verilən məlumata görə, yanvarın 20-də səhər Bakıda və Abşeron yarımadasında hava dəyişkən buludlu, əsasən yağmursuz keçəcək, arabir tutulacaq. Bəzi yerlərdə zəif duman olacaq, cənub-qərb küləyi əsəcək.

Gündüz hava buludlu olacaq, arabir açılacaq, əsasən yağmursuz keçəcək. Cənub-qərb küləyi əsəcək. Axşam havanın dəyişkən buludlu, əsasən yamursuz keçəcəyi, bəzi yerlərdə zəif duman olacağı gözlənilir. Şimal-qərb küləyi əsəcək.
Bakıda və Abşeron yarımadasında temperatur səhər 4-6, gündüz 7-11, gecə 4 dərəcə isti olacaq.

Yanvarın 20-də rayonlarda da havanın əsasən yağmursuz keçəcəyi, gecə və səhər bəzi yerlərdə duman olacağı ehtimal olunur. Qərb küləyi gündüz dağlıq ərazilərdə arabir güclənəcək.
Temperatur aran rayonlarında gecə 3 dərəcə şaxtadan 2 dərəcəyədək isti, gündüz 6-11 dərəcə isti, dağlıq rayonlarda gecə 3-8 dərəcə şaxta, gündüz 1-6 dərəcə isti olacaq.

Mənbə : Anspress.com