20.05.2015 / 18:15 xeber –

Prezident İlham Əliyev Milli Məclisin Cinayət Məcəlləsində etdiyi dəyişikliyi təsdiqləyib. Lent.az AzərTAc-a istinadən xəbər verir ki, məcəllədə aşağıdakı dəyişikliklər edilib:

1. 194.1-ci maddənin dispozisiyasından “xeyli miqdarda” sözləri, sanksiyasından “və ya dörd ilədək müddətə azadlıqdan məhrum etmə” sözləri çıxarılsın.

2. Aşağıdakı məzmunda 194.1-1-ci maddə əlavə edilsin:

“194.1-1. Eyni əməllər xeyli miqdarda törədildikdə –

beş min manatdan yeddi min manatadək miqdarda cərimə və ya üç ilədək müddətə azadlıqdan məhrum etmə ilə cəzalandırılır.”.

3. 194.2-ci maddədə “194.1-ci maddəsində” sözləri “194.1 və ya 194.1-1-ci maddələrində” sözləri ilə əvəz edilsin.

Mənbə : Lent.az