İçeriğe geçmek için "Enter"a basın

Meşhurlar Milli Parkda konsert verdiler

31-05-2015


31.05.2015 / 03:31 xeber –

Mayın 30-da Heydər Əliyev Fondunun dəstəyi ilə Dənizkənarı Milli Parkda birinci Avropa Oyunlarına həsr olunan “Dostlarla Oyunlara” şüarı altında konsert təşkil edilib.

 

Heydər Əliyev Fondundan Lent.az-a verilən məlumata görə, Birinci Avropa Oyunlarını dəstəkləyən konsertdən əvvəl Azərbaycanın bu mötəbər tədbirlərə hazırlığını əks etdirən videoçarx nümayiş olunub. Saat qülləsinin yanında bir neçə saat davam edən konsertdə paytaxtın  sakinləri və  qonaqları respublikanın tanınmış incəsənət ustalarının çıxışlarını izləyiblər.

 

“Bakı-2015” birinci Avropa Oyunlarının ulduz elçisi Murad Dadaşovun aparıcısı olduğu konsert proqramında Azərbaycanın incəsənət ustaları Tünzalə Ağayeva, Lalə Məmmədova, Samir Cavadzadə, İradə İbrahimova, Aygün Bəylər, Sevda Ələkbərzadə, Ədalət Şükürov, Eldar Qasımov, Röya Ayxan, Manana Caparidze və başqaları çıxış ediblər.

 

Səhnədə quraşdırılmış böyük monitorda birinci Avropa Oyunlarını təbliğ edən süjetlər təqdim olunub. Azərbaycanı görmək üçün İngiltərədən gəlmiş 11 yaşlı Corciya haqqındakı videosüjet tamaşaçılar tərəfindən maraqla qarşılanıb.

Mənbə : Lent.az

Meşhurlar Milli Parkda konsert verdiler