[r32]
2018-05-31T21:27 xeber – Təhsil Nazirliyi müddətli müqavilə ilə işləyən müəllimlərin diaqnostik qiymətləndirməyə buraxılmamasına aydınlıq gətirib.
Nazirliyin mətbuat xidmətindən Sputnik Azərbaycan-a bildirilib ki, diaqnostik qiymətləndirmənin nəticəsi əmək müqaviləsinin daimiləşməsi üçün əsas sayılmadığı üçün müddətli əmək müqaviləsi ilə müəllim işləyənlərin diaqnostik qiymətləndirmədə iştirakı nəzərdə tutulmayıb.
©
Sputnik / Murad Orujov”Ümumi təhsil haqqında” yeni qanun layihəsi hazırlanır
Qeyd edək ki, ancaq müddətsiz əmək müqaviləsi ilə işləyən şəxslərin diaqnostik qiymətləndirmədə iştirakı bir qrup şəxsin narazılığına səbəb olub. Narazı şəxslər əsas iş yerində müddətli əmək müqaviləsi ilə işləyən minlərlə müəllimin qiymətləndirmənin keçirilməsi ilə bağlı hazırda qüvvədə olan Qaydaların tələblərinə zidd olaraq qiymətləndirmə imtahanlarına buraxılmadığını və onların bu tədbirdə iştirak etmək hüquqlarının pozulduğunu iddia ediblər.
Xatırladaq ki, mayın 26-dan müəllimlərin bilik və bacarıqlarının növbəti diaqnostik qiymətləndirilməsinə başlanılıb.
İbtidai sinif müəllimlərinin bilik və bacarıqlarının diaqnostik qiymətləndirilməsi 26 — 27 may, digər fənləri tədris edən müəllimlərin diaqnostik qiymətləndirilməsi isə 29 may — 2 iyun tarixlərində keçirilir.
Qiymətləndirməyə ilk peşə-ixtisas təhsili müəssisələrində ümumtəhsil fənlərini tədris edən müəllimlər də qatılır.
Diaqnostik qiymətləndirmədə respublikanın ümumi təhsil müəssisələrində çalışan 19 minə yaxın müəllim iştirak edir.
mənbə :
Sputnik
Nazirlik hamını maraqlandıran məsələyə aydınlıq gətirdi
31-05-2018
Daha fazla XəbərlərXəbərlər kategorisinden daha fazla yazı »
- Aİ XİN bascilari Qirmizi denizde “Aspides” deniz missiyasini tesdiqleyib
- Prezident İlham Eliyevin Turkiyeye resmi seferi basa catib
- Naxcivanda STEAM Telim-Tedris Merkezinde ilk derslere baslanilib
- Son on gunde Celilabadda 83 nefer qizilcaya yoluxub
- Finlandiya Prezidenti Azerbaycanin dovlet bascisini tebrik edib