17:55 xeber – FİFA “Qızıl top” mükafatı uğrunda son 3 namizədin adı açıqlanıb.

Azadlıq.az xəbər verir ki, anspress-in məlumatına görə, namizədlər portuqaliyalı ulduz futbolçu Kriştianu Ronaldo, “Barselona” və Argentina millisinin lideri Lionel Messi və braziliyalı Neymardır.

Dünyanın ən yaxşı kişi baş məşqçi adı uğrunda “Bavariya” klubunun çalışdırıcısı Xosep Qvardiola, “Barselona” klubunun baş məşqçisi Luis Enrike və Çili milli komandasının baş məşqçisi Xorxe Sampaoli mübarizə aparacaq.

İlin ən yaxşı qadın futbolçusu adı uğrunda isə, Karli Lloyd ( ABŞ), Aya Miama ( Yaponiya), Selia Sasiç ( Almaniya) mübarizə aparacaqlar.

Puşkaş mükafatı uğrunda isə “Roma” klubunun futbolçusu Alesandro Florensi, “Barselona” klubunun futbolçusu Lionel Messi və Vendel Liranın vurduğu qolla mübarizə aparacaq.

Dünyanın ən yaxşı futbolçusunun adına isə 2016-cı ilin yanvarın 11-də Sürix şəhərində gələcək. Ötən il isə bu mükafata portuqaliyalı ulduz futbolçu Kriştianu Ronaldo laiq görülmüşdü.

Vendel Liranın vurduğu qol

Lionel Messinin vurduğu qol

Alesandro Florensinin vurduğu qol

mənbə :
anspress