02.03.2015 12:37 xeber –

İraq ordusu genişmiqyaslı hərbi əməliyyatlara başlayıb.

ANS PRESS-in məlumatına görə, İraq ordusu Səddam Hüseynin doğma şəhəri Tikriti İŞİD döyüşçülərindən təmizləmək məqsədilə bu gündən hərbi əməliyyata başlayıb. Tikrit, Mosul və daha bir neçə İraq şəhəri ötən ilin yayından bəri İŞİD qüvvələrinin nəzarəti altındadır.

Hərbi əməliyyat başlamazdan qabaq İraqın Baş naziri Heydər Abadi İŞİD-in tərəfində döyüşən iraqlıları silahı yerə qoymağa çağırıb.

Bunun əvəzində isə baş nazir onların əfv ediləcəyinə söz verib.

Mənbə : Anspress.com