15:45 xeber – Tailandın paytaxtı Banqkok şəhərində Yeni il yolkasını 5 min polis mühafizə edir.

Azadlıq.az xəbər verir ki, anspress-in TASS agentliyinə istinadən məlumatına görə, polis qüvvələri əsas Yeni il şənliyi keçiriləcək Central World ticarət mərkəzinin yaxınlığındakı meydanda yerləşdirilib. İnsanların kütləvi toplaşacağı məkanlarda metal detektorlar quraşdırılıb. Partlayıcı vasitələrin olub-olmadığını yoxlamaq üçün ərazi kinoloqlar tərəfindən də nəzarətə götürülüb.

Belə güclü təhlükəsizlik tədbirinin görülməsi avqustun 17-də məhz bu meydanın lap yaxınlığında 20 nəfərin ölməsi, 125 nəfərin yaralanması ilə nəticələnən terror aktının baş verməsi ilə əlaqədardır. Bu faciəyə baxmayaraq, hökumət Yeni ilin ənənəvi keçirildiyi məkanı başqa yerlə əvəz etməyib.

Banqkokda terror aktı

Tailandda Yeni il möhtəşəm qeyd edilir. Olduqca rəngarəng bəzədilən şəhər və xüsusi rəng çalarları ilə işıqlandırma Banqkoku Yeni il gecəsi nağıllar şəhərinə bənzədir.

Yeni il axşamı şəhərdə pop və rok ulduzların konserti ilə yanaşı, ənənəvi boks döyüşləri keçirilir.

Gecəyarıdan sonra isə Banqkokun səması atəşfəşanlıqla min bir rəngə boyanır. Şəhərin tarixi mərkəzlərindən olan Arun məbədinin divarlarında əks olunan lazer şousu zamanı isə əsrarəngiz mənzərə yaranır.

Yerli inanca görə, Yeni ilin məbəddə qarşılanması insanlara təzə ildə uğur gətirir və onları köhnə pis əməllərindən çəkindirir.

mənbə :
anspress