16:47 xeber – Suriyada növbəti dəfə terror aktı törədilib. Paytaxt Dəməşqdə ard-arda baş verən iki partlayış zamanı 30 nəfər həlak olub.

Azadlıq.az xəbər verir ki, anspress-in məlumatına görə, hər iki partlayış bu gün Dəməşqin şiələr məskunlaşan hissəsində baş verib. Partlayıcı qurğunu terrorçu-kamikadze işə salıb. İlkin məlumatlarda partlayış zamanı 10-11 nəfərin həlak olduğu, onlarla insanın yaralandığı bildirilsə də, sonradan həyatını itirənlərin sayının 30-a çatdığı, yaralıların isə 40 nəfər olduğu müəyyən edilib.

Faktı ölkənin Daxili İşlər Nazirliyinin nümayəndəsi də təsdiqləyib.

Partlayışlar Ku-as-Sudan və Səidə Zeynəb rayonlarında qeydə alınıb.

Hadisə yerini əks etdirən foto

Suriyada kütləvi insan ölümünə səbəb olan sonuncu partlayış ötən ilin dekabr ayının 31-də qeydə alınıb. Partlayış nəticəsində 16 nəfər həyatını itirib.

Hadisə nəticəsində həyatını itirən suriyalılardan 5 nəfəri erməni əsilli olub.

Bu barədə Ermənistan mətbuatı Suriyadakı erməni katolik icmasının nümayəndələrinə istinadla məlumat yayıb. Partlayış Suriyanın şimal-şərqində Qamışlı şəhərinin mərkəzində 3 ayrı yerdə törədilib.

Dəməşq xəritədə

mənbə :
anspress