İçeriğe geçmek için "Enter"a basın

Azərbaycanda əhalinin sayı açıqlandı

15-12-2014

ehali
Açıqlanan rəqəmlərə görə bu ilin əvvəlindən Azərbaycan əhalisinin sayı 97,2 min nəfər və ya 1 faiz artaraq 2014-cü il noyabr ayının 1-nə olan vəziyyətə görə, 9 574,3 min nəfərə çatıb.
Dövlət Statistika Komitəsində yer alan məlumata görə, əhalinin sıxlığı bir kvadrat kilometrə 111 nəfər olub. Hazırda hər 1000 nəfər kişiyə 1011 qadın düşür. Ümumi əhali arasında şəhər əhalisinin xüsusi çəkisi 53,2 faiz, kənd əhalisinin xüsusi çəkisi isə 46,8 faiz təşkil edir.
Cari ilin ilk 10 ayı ərzində ölkədə 142,6 min körpə doğulub və ötən ilin müvafiq dövrünə nisbətən bu göstərici əhalinin hər 1000 nəfərinə hesabı ilə dəyişməyərək eyni səviyyədə qalıb (18,1). Doğulanların 53,6 faizi oğlan, 46,4 faizi isə qız uşaqlarıdır.
Cari ilin yanvar-avqust ayları ərzində ölkədə 46,2 min ölüm halı qeydə alınıb və əhalinin hər 1000 nəfərinə hesabı ilə bu göstərici 5,9 olub.
Əhali haqqında məlumatların əldə edilməsi üçün ilk mənbə əhalinin siyahıya alınmalarıdır.
Azərbaycanda əhalinin sayı açıqlandı